सोमवार, 2 सितंबर 2019

राजस्थानी रामलीला मंचन सारू भूमि पूजन अर धजा थरपणा


सूरतगढ़ 2 सितंबर 2019.

सूरतगढ  मायड़ भासा राजस्थानी लोककला रंगमंच री ओर सू खेलीजण वाळी राजस्थानी रामलीला रै मंचन सारू भूमि पूजन अर धजा थरपणा करीजी ।   

वार्ड 4 में करणीमाता मिंदर परिसर मांय गणेश चौथ रे मौके पर ओ आरोजन हुयो । इण मौके पर समिति रा संरक्षक रामेश्वरदास स्वामी , ओम प्रजापत , पार्षद सुरेन्द्रसिघ राठौड़ , अध्यक्ष ओम साबणिया , अशोक बतरा , इमीलाल प्रजापत , कृष्णशर्मा , कमला गोदारा , गंगादेवी स्वामी , मोहनी शर्मा , इंदरादेवी , डूंगरराम गेदर ,  पवन सोनी , राजस्थानी रामलीला के सृजक मनोजकुमार स्वामी , अमित कल्याणा , रवि देरासरी , अंकित साबणिया , निखिल स्वामी , कमल , प्रदीप , प्रशान्त , सोनू नायक , हनुमान पुरी आदि वार्डवासियो सहित मंच के कलाकारो नें भाग लिया । ध्वज थरपणा पं महावीर भोजक नें पूजा अरचना कर करवाई । राजस्थानी साहित्यकार मनोजकुमार स्वामी बतायो कै , देस मांय मायड़ भासा रै आन्दोलन री कड़ी मांय राजस्थानी रामलीला रै मंचन रो ओ लगोतार चौथो बरस है । आज से रामलीला रो अभ्यास सरू हुगयो अर 29 सितम्बर नें रामलीला रो मंचन सरु हुसी । जिको दसहरै तांई चालसी ।


कोई टिप्पणी नहीं:

एक टिप्पणी भेजें

यह ब्लॉग खोजें