राजस्थानी भासा रा हेताळू अर्जुनराम सूं है घणी आस:

अर्जुनराम केन्द्र सरकार मांय बण्या राज्यमंत्री:
- करणीदानसिंह राजपूत -
भारत सरकार मांय प्रधानमंत्री नरेन्द्र मोदी जी रे मंत्री परिषद मांय बीकानेर रा सांसद अर्जुनराम मेघवाल भी सामल हो ग्या है। राज्य मंत्री बणाईज्या है। अर्जुनराम राजस्थान सरकार मांय कुशल अधिकारी हा अर अब जनता रै दिलां मांय राज करणिया जननेता है। आपरै स्वभाव नै जणो जणो सरावै। लोकसभा मांय आपरी उपस्थिति सगळा सूं बती रैयी जकै सूं आपनै सम्मानित कर्यौ ग्यौ।


अर्जुनराम जी राजस्थानी भासा मान्यता आँदोलन रा एक मजबूत सेनानी है। राजस्थानी भासा मान्यता आँदोलन नै राजस्थान सूं भारत सरकार खनै दिल्ली पंूचावण मांय बीकानेर रै सांसद अर्जुनराम रो मोकळो सैयोग मिल्यो हो। प्रधानमंत्री नरेन्द्र मोदी सूं भी आप राजस्थानी नै संवैधानिक मान्यता दिलावण सारूं बात करी ही।
आप कह्यौ हो कै फरवरी शीतकालीन अधिवेशन मांय मान्यता मिल जावैला। आप भरोसे मांय कह्यौ हो। शीतकालीन स्तर तो बीत ग्यौ पण राजस्थानी नै मान्यता मिलण री घोषणा हुई कोनी।
अब अर्जुनराम जी मंत्री मंडल मांय सामल हो ग्या है सो भरोसो और ज्यादा पाक्यौ है कै अब राजस्थानी री आवाज नै और ज्यादा मजबूती मिलसी अर संवैधानिक मान्यता मिलण मांय कोई कसर नीं रैसी।